Соодветност на наставната програма
Ви предлагаме да ја примените методологијата во училишни предмети од области како што се Медиумска писменост или Ликовна уметност. Исто така, може да се вткае во самостојни проекти, семинари, наставни блокови, курсеви и слични методи. Учениците ќе научат:
- како да не консумираат, туку да разбираат, анализираат, критички пристапуваат и креираат медиумска содржина;
- основите на композиција и различните видови типови на кадри во однос на големината, аголот итн.;
- основите на поврзување на кадрите за создавање врска меѓу нив и како да се пренесе идеја преку слики;
- како да се снима со паметен телефон со помош на апликација за монтажа.
За активноста
Без разлика дали креирате видеа со едноставни снимки или имате амбиции да ги подобрите вашите вештини за правење видеа, оваа дводневна работилница ќе ве научи на едноставни трикови и правила што ќе ви помогнат подобро да го разберете филмскиот јазик и комуникацијата преку слики. Овие вештини овозможуваат поврзување со различни групи луѓе надминувајќи ги јазичните бариери и да се споделуват искуства и чувства преку визуелниот медиум.
Составивме еден краток квиз за да го проверите вашето филмско знаење по работилницата – проверете го!
Што добиваат учесниците
- нови вештини во видео продукција
- основно познавање на композиција на слика и големина на кадар
- ново искуство во работа со видео и подвижни слики
- ќе научат да комбинираат едноставни снимки во покохерентен формат
Read more
Што добиваат едукаторите
- основно познавање на продукција на кратки видеа
- можност да се сними видео со паметен телефон
- да дознаете за актуелни трендови за видеата на социјалните мрежи
Read more
Ресурси
Барања на местото на одржување
- соба прилагодена за деца со доволно природна светлина
- стол и работен простор (маса) за секој учесник
- флипчарт табла или бела табла
- простор за кетеринг/ужина (опционално)
- надворешна локација во близина на местото каде што можете да снимате
Технологија
- проектор (ТВ, монитор)
- лаптоп (или друг уред за емитување на екранот од мобилен уред)
- Android или iOS паметни телефони, по еден за секој учесник
- фотографски трипод со држач за телефон (опционално)
- Инсталирана апликација CapCut на секој паметен телефон
Материјали
- прибор за пишување (пенкала, моливи, хартија)
- филмски референци (совети подолу)
Чекор по чекор
Подготовка
(15 мин и 30 мин)
(15 мин и 30 мин)
Ден 1 (15 мин)
- Ви треба соба со маси и столчиња. Подгответе материјали за пишување (хартии, пенкала) на масите.
- Користете ги помагалата за да подготвите табла, флипчарт табла, бела табла и да поставите проектор со компјутер.
- Учесниците нека седнат откако ќе пристигнат.
Ден 2 (30 мин)
Пристигнете порано на надворешната локација и разгледајте ја околината. Ова ќе ви помогне да им помогнете на учесниците додека бараат снимки подоцна. – 30 мин.
Имплементација
(2,5 часа и 45 минути)
(2,5 часа и 45 минути)
Ден 1 (2,5 часа)
- Запознајте се едни со други. (СОВЕТ: Охрабрете ги сите да кажат неколку зборови за себе, почнувајќи од себе. Кажете го вашето име и зошто одлучивте да ја водите работилницата. Додадете прашање за филм, како на пример, кој е твојот омилен филм, серија, лик итн.) — 10 мин
- Претставете ја работилницата и опишете ги нејзините различни делови. Исто така можете да го опишете посакуваниот резултат. (СОВЕТ: Видлива контура им помага на децата да го следат напредокот на работата.) — 5 мин
- (ОПЦИОНАЛНО) Започнете со кратка презентација на трите фази од филмската продукција (идеја, развој, филм). Можете да го користите водичот во Алатките. (СОВЕТ: Целта не е да се преоптоварат учесниците со знаење, туку само да станат свесни за сложеноста на филмот како креативна активност. Слободно запишете ги основните концепти на табла.)
- Објаснете го работниот тек од првиот и вториот ден (Развој), споменувајќи концепти како што се: — 5 мин.
- мобилен телефон како камера,
- што е кадар
- големини на кадри
- композиција на кадри
- комбинирање на кадри / ефектот на Кулешов.
- Што е кадар? Подгответе примери, по можност разновиден избор на филмски фотографии. Стремете се кон варијација во композицијата, бојата или видот на големината на кадрите. Целта е филмскиот кадар да се чита како збор во книга. — 10 мин.
- Големини на кадар. Објаснете ги шесте големини на кадрите и демонстрирајте. — 15 мин.
- екстремно широк кадар (ЕШК)— акцент на околината
- широк кадар (ШК) — акцент на ликот или објектот
- среден кадар (СК) — поширок дел од ликот или објектот
- среден крупен план (СКП) — ја прикажува фигурата од половината до рамената
- крупен план (КП) — го покажува лицето
- екстремно крупен план (ЕКП) — ги прикажува деталите од лицето
- Кратка вежба: Снимете фигура или поголем предмет во сите шест големини на кадарот. (СОВЕТ: Нагласете ја потребата да изберете поголем предмет, на пр., стол, маса, табла. Со мали предмети, композицијата крупен план може да биде тешка, особено на паметен телефон.) — 10 мин.
- Евалуација на вежбата. — 5 мин.
- Композиција — Слика поделена на 3/4, мрежа и златен сооднос. Слободно користетеги примерите во нашите алатки. — 10 мин.
- Кратка вежба: Снимајте еден предмет/лик во централна и 3/4 композиција. — 10 мин.
- Евалуација на вежби. — 5 мин.
- Комбинирање на кадри. Подгответе пример за краток филм што користи широк спектар на големини и композиции на кадри. Нагласете ја потребата од подобро спојување на кадрите врз основа на различни агли на снимање и комбинација од различни големини на кадри. — 15 мин.
- Вовед во апликација CapCut (Камера -> Повеќекратна-снимка). — 10 мин.
- Кулешов ефект — објаснете и покажете филмски референци. (СОВЕТ: Обидете се да го пронајдете ефектот Кулешов (линк до кутијата со алатки) во кратки видеа на социјалните медиуми. Фокусирајте се на видеа каде што снимката од лице кое гледа е придружена со разни шеги или бизарни видеа, на пр. @realadamrose на YouTube.) — 10 мин.
- Вежба: Кулешов ефект. Користетете CapCut за снимање: — 15 мин
- крупна снимка на фигура
- снимка на предмет
- повторување на првата снимка
- снимка на различен предмет
- повторување на првата и третата снимка
- снимка на друг, различен предмет
- Две правила: објаснете ги двете основни правила за „мазно” уредување. Снимките најдобро се поврзуваат ако разликата помеѓу следните снимки е значајна и по големина и по агол. Ова значи дека при снимање на објект/лик, вториот кадар не треба да биде направен од ист агол и растојание. — 10 мин.
Ден 2 (45 мин)
- Вежба бр. 1 — неподвижен објект: Отворете ја апликацијата CapCut, одете на Камера и постави Мулти-снимка (30 секунди) Снимајте поголем објект во осум кадри, а првите и последните кадри направете ги во екстремно широки кадри или широки кадри. Погрижете се поединечните кадри што следат една по друга да имаат различни големини и агли. — 20 мин.
- Вежба бр. 2— предмет во движење: Снимете осум снимки од фигура со апликацијата CapCut: — 15 мин.
- Лице оди по улицата (СК).
- Лицето застанува и гледа во нешто (КП).
- Предмет (СК).
- Лицето гледа (КП).
- Лицето си заминува (ШК).
- Улицата (ЕКШ).
- Завршете и влезете внатре. — 10 мин.
Евалуација
(30 мин.)
(30 мин.)
- Заблагодарете им се на сите за нивното учество и посветеност. Повторете ги клучните точки и правила. – 10 мин.
- Оценете ја работилницата. Прашајте ги учесниците што им се допаднало, а што не, побарајте совети како да се направи да биде подобра. – 20 мин.
Филмови за гледање
Белфаст, Мејн
Фредерик Вајзман
САД
1999
245 мин.
Работници кои ја напуштаат фабриката (Дубаи)
Бен Расел
Обединети Арапски Емирати
2008
8 мин.
Направете ја достапна за сите
За да се реализира оваа работилница, предавачите, како и учесниците, треба да знаат како да користат паметен телефон. Ова може да биде пречка за децата и тинејџерите кои не користат телефон/користат само обичен телефон. Во тој случај, осигурајте се дека групите се доволно мали – разделете ги доколку е потребно – за децата без паметни телефони да бидат групирани со оние што ги имаат. На овој начин, тие ќе можат да работат заедно или да се менуваат. Поставете ги резултатите од работилницата за да можат децата да ја разберат задачата. Запознавањето со апликација CapCut е од суштинско значење. Во исто време, очекувајте дека ќе треба да ги решите проблемите со ограничувањата на мобилните податоци, полната меморија на телефонот, родителската контрола на уредите итн. Географските ограничувања можат да влијаат врз децата што користат телекомуникациски услуги надвор од Европа – на пример, телефонски број регистриран во друга земја може да има проблеми со инсталирање апликации надвор од неа. Понудете им инструкции како сите однапред да ја преземат и активираат апликацијата (во формуларот за регистрација, итн.).
Мисли и искуство
ЗА ОРГАНИЗАЦИИ
Што добиваат организациите
- можност да допрат до поширока и помлада публика;
- увид во вкусот и креативноста на младите луѓе.
Барања на тимот
- За работилницата е потребен еден предавач со основно познавање на видео продукција, фотографија и управување со паметен телефон. Ако досега не сте ја користеле апликацијата CapCut, добра идеја е да се запознаете со неа пред работилницата или да користите друга апликација со слични карактеристики за видео продукција.
- Доколку учесниците на работилницата вклучуваат деца со посебни потреби (од која било маргинализирана група), препорачливо е да поканите асистент/водич за инклузија кој ќе биде целосно посветен на групата и ќе се погрижи сите деца да имаат колку што е можно порамноправно и поцелосно искуство од работилницата.
- Лице кое ќе помогне со продукцијата.
Совети за финансирање
Размислете за следните трошоци пред да ја одржите работилницата:
- надомест за предавач
- надомест за асистент за инклузија (доколку е релевантно)
- изнајмување на простор
- опрема
- кетеринг (опционално)
- надомест за авторски права за прикажување на филм
Темата на работилницата е директно поврзана со аудиовизуелна продукција. Доколку сте организација, можете да користите средства или субвенции од структури кои поддржуваат активности во аудиовизуелната индустрија. Или, доколку во близина има филмски фестивал или презентациска изложба, можеби е добра идеја да ги поканите да ја коорганизираат работилницата. Покрај подобра промоција, таа соработка може да ви помогне и со техничка поддршка или да покрие дел од трошоците.
Совети за промоција
- употреба на кој било достапен канал (веб-страница на организаторот на работилницата, социјални медиуми, билтен или покани преку е-пошта)
- создаде формулар за регистрација за луѓето да се пријават
- промовирајте ја работилницата доволно време однапред за таа непосредно да стигне до луѓето
- земете го предвид платеното рекламирање на социјалните медиуми (во зависност од вашиот буџет)
- во описот, јасно наведете што се работи на работилницата, кога и каде ќе се одржи и за кого е наменета
- објавете видео покана од предавач или член на организацијата – два или три дена пред датумот на почеток на работилницата
- флаери, постери, радио рекламии реклами во во весници (исто така и онлајн)
Пронајдете ја вашата публика
За да ја таргетирате вашата публика, земете ги предвид очекувањата на различните групи во врска со актуелните трендови. Преадолесцентите (12+) можат да бидат заинтересирани за правење видеа на ТикТок на работилницата. Спротивно на тоа, тинејџерите може да се заинтересираат дури и ако нивните очекувања не се исполнети. Сепак, никогаш не е лошо да бидете во тренд со вашите видео референци: ефектот Кулешов, на пример, се користи во видеата на социјалните медиуми, до одреден степен. Доколку вашата работилница е за помлади учесници, можете да ја рекламирате преку контактирање на наставници, директори на училишта или родители. Со тинејџерите, најдобро е да се обратите или кај нивниот класен раководилте или кај предметните наставниците, бидејќи тие имаат директно влијание врз учениците. Директна е-пошта исто така е опција. На пример, можете да побарате од клубовите да ја вклучат вашата реклама во нивните редовни билтени за нивните претплатници.
Претходна активност
